İngiltərədə arxeologiya tələbəsi ilk qazıntısında nadir qızıl əşya tapdı

İngiltərənin Nyukasl Universitetində arxeologiya ixtisası üzrə təhsil alan amerikalı tələbə Yara Souza, ilk qazıntı təcrübəsində cəmi 90 dəqiqə ərzində IX əsrə aid nadir qızıl əşya aşkarlayıb.

Sonxeber.az xarici mediaya istinadən xəbər verir ki, tapıntı, Nortamberlend bölgəsinin Redesdeyl ərazisində, Roma dövründə inşa edilən və York ilə Edinburqu birləşdirən Dere Street yolu yaxınlığında həyata keçirilən qazıntılar zamanı üzə çıxıb. Təxminən 3,8 santimetr uzunluğundakı erkən Orta əsrlərə aid qızıl parça, 2021-ci ildə eyni ərazidə oxşar tapıntı edən metal detektor həvəskarı Alan Gray-in kəşfindən sonra başlayan arxeoloji qazıntılar zamanı tapılıb.

Professor Ceyms Gerrard, tapıntının qeyri-adi əhəmiyyətə malik olduğunu bildirərək, Dere Street yolunun Roma dövründən sonra da yüksək statuslu şəxslər tərəfindən istifadə edildiyini vurğulayıb.

Yara Souza isə hisslərini belə ifadə edib: "Min ildən çoxdur yer üzünə çıxmamış bir şeyi tapmaq inanılmaz idi."

Telegramda izləyin