Ağrı ilə xəstəxanaya getdi, sinəsində 8 ildir bıçaqla yaşadığı ortaya çıxdı

Tanzanyada 44 yaşlı kişi, sağ döşünün altından irin axması şikayəti ilə xəstəxanaya müraciət edib.

Sonxeber.az türk mediasına istinadən xəbər verir ki, həkimlər ilkin müayinədə ağrı, nəfəs darlığı, öskürək və ya hərarət kimi əlamətlər aşkar etməsə də, rentgen nəticəsi hər kəsi təəccübləndirib – kişinin döşündə tam 8 ildir qalmış bıçaq tapılıb.

Pasiyent illər əvvəl yaşadığı şiddətli dava zamanı üzündən, kürəyindən, döşündən və qarın nahiyəsindən yaralandığını, həmin vaxt müalicə olunduğunu, o gündən bəri isə ciddi sağlamlıq problemi yaşamadığını bildirib. Son günlər yaranan irinlənmə səbəbindən həkimə müraciət edən kişinin döşündə illərlə "unudulmuş" bıçaq aşkarlanıb.

Məlum olub ki, bıçaq sağ kürək sümüyündən girərək həyati orqanlara toxunmadan döşdə qalıb. Əməliyyat zamanı bıçaq çıxarılıb, ölü toxumalar təmizlənib. Pasiyent reanimasiyada bir gün, normal palatada isə 10 gün qalıb. Həkimlər onun tam sağaldığını açıqlayıb.

Telegramda izləyin