Polis, maşınını saxladığı qadın sürücüyə təcavüz etdi - VİDEO

Amerika Birləşmiş Ştatlarında baş verən qalmaqallı hadisə ictimaiyyətdə böyük narazılıq yaradıb.

Sonxeber.az xarici mediaya istinadən xəbər verir ki, bir polis əməkdaşı sürücülük vəsiqəsi və qeydiyyat sənədlərinin yoxlanışı zamanı avtomobil idarə edən qadın modeli cinsi təcavüzə məruz qoymaqda ittiham olunaraq saxlanılıb.

İddialara görə, polis yoxlama zamanı qadının sinəsinə toxunub. Şok yaşayan gənc qadın bir müddət sonra hadisəni aidiyyəti qurumlara bildirərək şikayətçi olub. Bunun ardınca polis idarəsi təcili şəkildə araşdırmaya başlayıb. Nəticədə həmin polis əməkdaşı saxlanılıb və onun barəsində "cinsi təcavüz" və "vəzifədən sui-istifadə" maddələri ilə cinayət işi açılıb.

Polis departamentindən verilən açıqlamada bildirilib: "Belə utandırıcı bir davranış bizim dəyərlərimizlə ziddiyyət təşkil edir. Vətəndaşların inamını sarsıdan bu hərəkət ən ağır şəkildə cəzalandırılacaq." Hadisədən sonra həmin əməkdaşın işdən kənarlaşdırıldığı və istintaq müddətində vəzifəsini icra etməyəcəyi açıqlanıb.

Təcavüzə məruz qalan qadın isə ədalətin bərqərar olunmasını istədiyini vurğulayaraq deyib: "Polis insanlara təhlükəsizlik verməlidir, amma mənə həyatımın ən qorxulu anlarını yaşatdı"

Hadisə ABŞ ictimaiyyətində geniş rezonans doğurub. Sosial mediada minlərlə insan hadisəyə sərt reaksiya göstərib və gənc qadına dəstək mesajları ünvanlayıb.

Telegramda izləyin