Bakıda cütlük nişan günü ayrıldı - Film kimi məhkəmə
Bakı məhkəmələrinin birində film ssenarisini xatırladan cinayət işi araşdırılıb.
"Qafqazinfo"nun əldə etdiyi məlumata görə, real hekayənin qəhrəmanları keçmiş nişanlılardır.
Onların "Instagram"da başlayıb nişan mərasimində dramatik sonluqla bitən münasibəti sonda cinayətə çevrilib. Münasibətlərin pozulma səbəbi isə yeni qohumların nişan mərasimi xərclərinin birlikdə ödənilməsinə razılaşmamaları olub.
23 yaşlı Elnurla 19 yaşlı Səbinə (bütün adlar şərti) arasında aşağı büdcəli restoranların birində nişan mərasimi keçirilib. Məclisin sonunda məkan sahibi nişan tədbiri üçün ümumilikdə 1570 manat ödənilməli olduğu barədə cütlüyün valideynlərini məlumatlandırıb. Oğlanın anası hesabın yarı-yarıya ödənilməsini təklif etsə də, qızın anası razılaşmayıb. O israr edib ki, bütün xərci oğlan evi ödəməlidir.
Bu məsələ valideynlər arasında böyük mübahisə yaradıb. İş o yerə gəlib çıxıb ki, cütlük elə restoranda münasibətlərini pozub, nişan üzüklərini qaytarıblar. Qızın anası polisə şikayət edəndən sonra oğlan tərəf hesabı bağlayıb.
Həmin gecə nişan pozulsa da, Elnur qızın və anasının hərəkətlərini, ən əsası isə 1570 manatı tək ödəmələrini qarşı tərəfə bağışlamayıb. O, hadisədən iki gün sonra keçmiş nişanlısına zəng edərək restoran üçün verdiyi pulu geri qaytarmasa, onu şəkilləri ilə hədələyib. Belə olan halda qohum-əqraba arasında biabır olacağını düşünən qız keçmiş nişanlısının tələb etdiyi 1570 manatı ona verib.
Səbinənin anası çox keçməmiş bu məsələdən xəbər tutub, dərhal polisə müraciət edib. Araşdırma nəticəsində Elnur cinayət məsuliyyətinə cəlb edilib. Məhkəmənin sonuna kimi nəzarət şərti ilə azadlıqda qalmasına qərar verilib.
Məhkəmədə Səbinə baş verənləri danışıb və keçmiş nişanlısının onu şantaj edərək pul aldığını təsdiqləyib.
Elnur özü də ittihamı qəbul edib. İfadəsində işi bu yerə gətirib çıxaran anlaşmadan da danışıb: "Əslində nişan xərcləri qız tərəfdən qarşılanmalıdır. Amma Səbinənin ailəsinin maddi vəziyyəti yaxşı deyildi. Buna görə razılaşdıq ki, qız evinin qohumlarının nişan xərclərini qız tərəfi, oğlan evinin qohumlarının nişan xərclərini də oğlan tərəfi ödəsin. Amma nişan günü Səbinənin anası bu şərti pozdu. Bütün hesabı bizə ödətdirdi. 1570 manatdan əlavə, nişan üçün əlavə 2 min manat xərcləmişəm. Bütün bunlara baxmayaraq, etdiyim əməldən peşmanam. Səbinəni şantaj etməməli idim".
Verilmiş ittiham şahid ifadələri və digər sübutlarla da təsdiqini tapıb. Hökmə əsasən, Elnur hədə-qorxu ilə tələb etməkdə təqsirli bilinərək 3 il azadlıqdan məhrum edilib. Bu vaxta qədər azadlıqda olan müttəhim məhkəmə zalında həbs edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Ətin qiyməti 39 manata QALXDI
Ardıcıl 5 gün iş olmayacaq
Bu universitetin qapısı möhürləndi, tələbələr ayağa qalxdı
Suda üzə bildiyi deyilmişdi, göldə batdı - Fotolar
12 il əvvəl 9 yaşlı məktəblini xilas edən - Dəyanət qəfil öldü
Vəzifəli şəxs vəfat etdi - Foto
Xalq artisti: "Bütün qazancım həkimlərə gedir, zülüm çəkirəm"
Mayın 25-də QAZ OLMAYACAQ
İslam Rzayev haqda - Yeni qərar
Əli Əsədov QƏRAR İMZALADI - Bu şəxslərə hər ay 100 MANAT VERİLƏCƏK
Oktay Kaynarca: "Halit Ergençi çox qısqanıram"
Yellouston parkına canavarlar gətirildi: 20 il ərzində çayları tam dəyişdilər
Sabiq deputat Türkiyədə vəfat etdi
"Epidemiya o bölgəyə yayılsa, fəlakət olacaq" - Fotolar
Bu şəxsləri işə götürənlər cərimə ediləcək