Naməlum şəxs yoldan keçənə yumruq atdı – həmin anlar kameralara düşdü - VİDEO

İstanbulun ən sıx küçələrindən birində baş verən hadisə görənləri dəhşətə gətirib.

Sonxeber.az türk mediasına istinadən xəbər verir ki, kimliyi hələ müəyyən edilməyən bir şəxs, yol ilə hərəkət edərkən qarşısına çıxan adama qəfil yumruq atıb və heç nə olmamış kimi yoluna davam edib.

Hadisə ərazidəki bir iş yerinin təhlükəsizlik kamerasına saniyə-saniyə yansıyıb. Görüntülərdə şübhəlinin sürətlə irəlilədiyi, yanından keçən adama qəfil yumruq endirdiyi və heç bir reaksiya göstərmədən yoluna davam etdiyi əks olunub. Yumruğun təsirindən yerə yıxılan şəxs isə ətrafdakıların köməyi ilə özünə gəlməyə çalışıb.

Qısa müddətdə sosial şəbəkələrdə yayılan görüntülər böyük etiraz dalğasına səbəb olub. İstifadəçilər "Səbəbsiz zorakılığın sonu gəlmir", "Heç kim küçədə özünü təhlükəsiz hiss etmir" kimi şərhlər yazaraq hadisəyə sərt reaksiya göstəriblər. Bəzi şərhçilər isə həmin şəxsin daha əvvəl də oxşar hərəkətlər etmiş ola biləcəyini vurğulayaraq hüquq-mühafizə orqanlarını tədbir görməyə çağırıblar.

Məsələ ilə bağlı polis qrupları hərəkətə keçib. Hadisənin baş verdiyi ərazidə araşdırmalar aparılır, təhlükəsizlik kamerası görüntüləri əsasında şübhəlinin kimliyinin müəyyənləşdirilməsinə çalışılır. Yumruq zərbəsinə məruz qalan şəxsin isə vəziyyətinin yaxşı olduğu, yalnız qısa müddətlik huşunu itirdiyi bildirilib.

Telegramda izləyin