Ağır yol qəzası: 2 gənc öldü, sürücü isə ağır yaralandı

Denizlidə sürücünün idarəetməni itirməsi nəticəsində avtomobil yol kənarındakı ağaca çırpılıb.

Sonxeber.az türk mediasına istinadən xəbər verir ki, qəza, Merkezefendi rayonunun Gümüşçay məhəlləsi, Menderes bulvarında baş verib. Alınan məlumata görə, S.T. (26) idarəsindəki 20 R 9599 dövlət nömrə nişanlı avtomobillə hərəkətdə olarkən sükan arxasında idarəetməni itirərək yol kənarındakı ağaca çırpılıb. Avtomobilin sürətlə ağaca çırpıldığını görən ətrafdakı sakinlərin xəbəri ilə əraziyə yanğınsöndürən, polis və təcili yardım briqadaları cəlb olunub.

İlkin tibbi müdaxilədən sonra sürücü S.T. xilasedicilər tərəfindən sıxışdığı avtomobildən çıxarılıb və ağır yaralı halda xəstəxanaya çatdırılıb.

Avtomobildə olan İbrahim Baran Tuncer (23) və Ezgi Elçin Ünal (22) isə hadisə yerindəcə həyatını itirib. Onların meyitləri avtomobildən çıxarılaraq otopsi üçün Adli Tibb Qurumu Denizli Qrup İdarəsinin morquna təhvil verilib.

Digər tərəfdən məlum olub ki, qəzada ölən İbrahim Baran Tuncer-in bu gün doğum günü imiş və dostları ilə keçirdiyi ad günü şənliyindən geri dönərkən faciə yaşanıb.

Hadisə ilə bağlı araşdırma başlanılıb.

Telegramda izləyin