Bu kənddə nələr baş verir? Hər gecə bir ailəyə aid ot və taxıl yığınları yandırılır - VİDEO

Karsın Arpaçay rayonunun Göldalı (İrişti) kəndində son bir həftə ərzində naməlum şəxslər tərəfindən kəndlilərə məxsus ot və taxıl yığınları gecəyarısı yandırılıb.

Sonxeber.az türk mediasına istinadən xəbər verir ki, hadisə nəticəsində kəndlilərin bir illik zəhməti külə dönüb, sakinlər isə ciddi narahatlıq keçiriblər.

Məlumata görə, son bir həftədə 5 ailəyə məxsus ot balyaları və tarladan yığılmış taxıl yığınları qəsdən od vurularaq məhv edilib. Sonuncu hadisə dünən gecə saatlarında baş verib və bir tarlada olan taxıl yığını tamamilə yanaraq kül olub.

Jurnalist Suat İncederenin verdiyi xəbərə görə, kəndlilərin qış üçün saxladıqları yem və heyvan yemi kimi topladıqları ot yığınları qısa müddətdə alova təslim olub.

Ardıcıl baş verən yanğınlar kəndlilər arasında təşviş yaradıb. Fermerlər əməyin bilərəkdən yandırıldığına diqqət çəkərək, bir illik zəhmətlərinin kül olmasından sonra aidiyyəti qurumlardan təxirəsalınmaz tədbirlər görülməsini tələb ediblər.

Telegramda izləyin