Türk bayrağında dirək rəqsi edən əcnəbi tənqid edildi - VİDEO

Nevşehirin Uçhisar qəsəbəsində əcnəbi gənc bir qadının Türkiyə bayrağı dirəyində rəqs etməsi ilə bağlı görüntülər sosial şəbəkələrdə geniş müzakirələrə səbəb olub.

Sonxeber.az türk mediasına istinadən xəbər verir ki, sosial mediada sürətlə yayılan kadrların ardından Nevşehir Valiliyi dərhal hərəkətə keçib. Valilikdən verilən açıqlamada, sözügedən hadisə ilə bağlı araşdırmalara başlanıldığı bildirilib.

Açıqlamada, əcnəbi vətəndaş barəsində hüquqi addımlar atıldığı qeyd olunaraq, Nevşehir Cumhuriyyət Baş Prokurorluğu tərəfindən Türk Cinayət Məcəlləsinin 300 və 301-ci maddələri çərçivəsində istintaqa start verildiyi vurğulanıb.

Valiliyin açıqlamasında deyilir:

"Bəzi mətbuat orqanlarında və sosial media platformalarında yayılan görüntülərə əsasən, ilimizdə (Uçhisar qəsəbəsində) əcnəbi uyruklu bir şəxsin Türk Bayrağı dirəyində nümayiş etdirdiyi uyğunsuz davranışlarla bağlı təhlükəsizlik orqanlarımız dərhal araşdırma aparmış və zəruri hüquqi addımlar atılmışdır. Həmin şəxs haqqında Nevşehir Cumhuriyyət Baş Prokurorluğu tərəfindən Türk Cinayət Məcəlləsinin 300 və 301-ci maddələri çərçivəsində cinayət işi başlanmışdır. Millətimizin milli və mənəvi dəyərlərinə qarşı hörmətsizlik kimi qiymətləndirdiyimiz bu hadisə Valiliyimiz tərəfindən ciddi şəkildə izlənməkdədir."

Hadisə ictimaiyyət arasında böyük rezonans doğurub.

Telegramda izləyin