Gənc qız konsert zamanı edilən evlilik təklifinə yox desə də, üzüyü zorla barmağına taxdılar - VİDEO

Məşhur türk repçi BLOK3-ün konsertində qeyri-adi anlar yaşanıb.

Sonxeber.az türk mediasına istinadən xəbər verir ki, konsert zamanı bir gənc, sevgilisini səhnəyə çıxararaq ona evlilik təklifi edib.

Gənc diz çökərək cibindən üzük çıxarıb və sevgilisinə təklif edib. Lakin qadın əl hərəkətləri ilə açıq şəkildə "Xeyr" cavabı verib. Buna baxmayaraq gənc, üzüyü uzatmağı davam etdirib.

Hadisə zamanı BLOK3 tamaşaçılardan dəstək istəyərək: "Mənimlə birlikdə ‘Bəli’ deyəcəksiniz" deyib. Ardınca zalda bütün tamaşaçılar "Bəli, bəli" deyə qışqırmağa başlayıb.

Qadın mikrofonu götürüb əl hərəkətləri ilə etirazını bildirməyə çalışsa da, əli tutulub barmağına üzük taxılıb.

Bu maraqlı anlar kameraya əks olunub və görüntülər qısa müddətdə sosial şəbəkələrdə geniş müzakirələrə səbəb olub. İstifadəçilərin bir qismi qadının etirazına baxmayaraq üzüyün taxılmasını tənqid edib, digərləri isə bunun konsertin unudulmaz anlarından biri olduğunu qeyd edib.

Telegramda izləyin