Sevgilisinin telefonunu oğurlayan oğrunu maşınla əzdi

Braziliyanın Vila Velha şəhərində qeyri-adi hadisə yaşanıb.

Sonxeber.az türk mediasına istinadən xəbər verir ki, qadının telefonunu oğurlayan şəxsi həmin qadının sevgilisi avtomobili ilə vurub.

Məlumata görə, oğru velosipedlə yaxınlaşaraq gənc qadının əlindəki telefonu alıb qaçmağa çalışıb. Elə həmin anda hadisə yerinə gələn qadının sevgilisi avtomobili ilə oğruya çırpılıb. Zərbənin təsirindən velosiped avtomobilin altında qalıb. Yaralanan oğru qaçmağa çalışsa da, qadın, sevgilisi və ətrafdakı insanlar onun ardınca düşüb.

Bir müddət sonra küçə kəsişməsində yıxılan oğruya qəzəblənmiş insanlar hücum edib. Onlardan biri karate zərbəsi endirib, digərləri isə yumruq və təpiklə döyməyə başlayıb.

Hadisə ilə bağlı qadının sevgilisi açıqlama verərək oğrunun silahlı olduğunu bildirib:
"İlk ağlıma gələn onun qaçmasının qarşısını almaq idi. Tamamilə reflekslə maşını sürdüm." – deyə o bildirib.

Ağır xəsarətlər alan oğru əvvəlcə xəstəxanaya aparılıb, daha sonra polis tərəfindən həbs edilib.

Telegramda izləyin