"Ezel" serialının "Dayı"sı Ufuk Bayraktar barəsində şok iddialar: Həbs edilə bilər

"Ezel" serialında canlandırdığı Dayının gəncliyi rolu ilə yadda qalan aktyor Ufuk Bayraktar, bu dəfə qalmaqallı iddialarla gündəmə gəlib.

Sonxeber.az türk mediasına istinadən xəbər verir ki, 43 yaşlı aktyor İstanbulun Beyoğlu rayonunda yerləşən bir restorandan xərac istəyib. Ortaya çıxan görüntülərdə onun işlətdiyi təhdidlər eşidilir: "Səni vuracağam"

Məlumata görə, Bayraktar ötən həftə yanında 5 nəfərlə birlikdə Beyoğlunda yerləşən restorana gələrək sahibindən "Həftəlik 25 min lirə verəcəksən" deyə tələb irəli sürüb. Ekol TV-nin xəbərinə əsasən, hadisədən bir neçə gün sonra məkana yenidən qayıdan aktyor bu dəfə məbləği 10 min lirəyə endirib.

Görüntülərdə Bayraktarın bir nəfəri hədəfə alaraq təhdid etdiyi və "Səni vuracağam" deyə qışqırdığı açıq şəkildə eşidilir.

Görüntülərin yayılmasının ardından şikayət əsasında hərəkətə keçən polis əməkdaşları aktyoru saxlayıb. 43 yaşlı Bayraktar hazırda polis idarəsində dindirilməkdədir.

Qeyd edək ki, aktyorun 2007-ci ildə qarışdığı başqa bir olay səbəbindən 6 ay həbs cəzası çəkdiyi də üzə çıxıb.

Hadisə ilə bağlı yeni istintaqın davam etdiyi bildirilib.

Telegramda izləyin