Batan qayıqdan itkin düşən uşaqlar qayalıqlarda tapıldı - VİDEO

Türkiyədə batan qayıqda itkin düşən 2 uşaq xilasetmə qrupları tərəfindən qayalıklarda tapılıb.

Sonxeber.az türk mediasına istinadən xəbər verir ki, hadisə zamanı ümumilikdə 8 nəfər, o cümlədən uşaqlar, Sahil Mühafizə və AFAD komandalarının gecə boyu havadan və dənizdən həyata keçirdiyi axtarış-xilasetmə əməliyyatları nəticəsində sağ şəkildə xilas edilib.

Hadisə zamanı çəkilən görüntülərdə xilasetmə qruplarının qayalıklara dırmanmış şəxslərə çatdığı və əməliyyatları həyata keçirdiyi anlar əks olunub.

Muğla Valisi İdris Akbıyık sosial media hesabında bildirib:

"Dünən axşam saatlarında su alaraq batmaqda olan fiber qayıqda olan ümumilikdə 8 nəfər Sahil Mühafizə və AFAD qruplarımızın gecə boyu həyata keçirdiyi axtarış-xilasetmə əməliyyatları nəticəsində hamısı sağ şəkildə xilas edilib. Gecə-gündüz demədən əməliyyatlarda fədakarcasına çalışan bütün personalımıza əməyə görə təşəkkür edirəm".

Vali həmçinin qeyd edib ki, əməliyyatlara 1 helikopter, 2 avtomobil, 5 qayıq, 1 PUA, 1 dron və 1 termal dron cəlb olunub.

Telegramda izləyin