Lifti təmir etməyə gələn ustalar faciə ilə üzləşdilər - VİDEO

Aksarayda 5 mərtəbəli binada liftin mühərrikini dəyişmək üçün kabinin üzərinə çıxan iki usta faciə ilə üz-üzə qalıb.

Sonxeber.az türk mediasına istinadən xəbər verir ki, hadisə, Mehmet Akif Ersoy məhəlləsi Turgut Özal bulvarında yerləşən Viva Park yaşayış kompleksində baş verib. Binada yaranan texniki nasazlıq səbəbindən bina idarəsi lift təmir şirkətinə müraciət edib. Təmir üçün gələn 4 ustadan ikisi – Burak İ. (21) və Mustafa Ali A. (16), 5-ci mərtəbədə kabinin üzərinə çıxaraq işə başlayıb. Lakin qəfil halatların boşalması ilə kabin sürətlə aşağı düşüb.

Kabin yerə çırpılmadan əvvəl 1-ci mərtəbədə dayanıb və ustalar ağır xəsarət alsalar da, həyatda qalıblar. Güclü səsə yığılan bina sakinləri təşviş içində hadisə yerinə axışıb. Xaricdə olan digər iki usta dərhal müdaxilə edərək 1-ci mərtəbədən qapını açıb və yaralı həmkarlarını çıxarmağa çalışıb.

Dərhal 112 Təcili Yardım Mərkəzinə məlumat verilib. Əraziyə polis, təcili yardım və yanğınsöndürən briqadaları cəlb olunub. Tibbi yardım heyəti ilkin müdaxiləni hadisə yerində göstərib, daha sonra isə yanğınsöndürənlərin köməyi ilə yaralılar xilas edilərək təcili yardım maşınına aparılıb.

Yaralı ustalar Aksaray Təhsil və Araşdırma Xəstəxanasının Təcili Yardım Şöbəsinə çatdırılıb. Onların vəziyyətinin ağır olduğu bildirilib.

Telegramda izləyin