Bələdiyyə işçilərinin daş boşaltma üsulu etiraz doğurdu - VİDEO

Şanlıurfada aparılan abadlıq işləri zamanı gətirilən daşların boşaldılma tərzi böyük reaksiyaya səbəb olub.

Sonxeber.az türk mediasına istinadən xəbər verir ki, daşların yük maşınının yük yığılan bölmündən nəzarətsiz şəkildə yerə atılması nəticəsində həm daşlar qırılıb, həm də yol örtüyü zərər görüb.

Hadisəyə etiraz edən bir vətəndaş, "Başqa endirmə üsulu yoxdurmu? Yolu məhv edirsən, daşları sındırırsan" sözləri ilə narazılığını ifadə edib. Lakin işçinin, "Bəli, üsul belədir" və "Ee, qırılsın" cavabları isə qalmaqalı daha da böyüdüb.

O anlara şahid olan digər vətəndaşlar da tətbiqin həm dövlət əmlakına zərər verdiyini, həm də israfçılıq yaratdığını bildiriblər. Məsələ ilə bağlı aidiyyəti qurumların hansı addım atacağı maraq doğurub.

Qısa müddətdə sosial şəbəkələrdə yayılan görüntülərin altına isə, "Nəzarət edən yoxdur, istədikləri kimi hərəkət edirlər", "Belə boşaldılmamalıdır təbii ki, adam haqlıdır", "Şüurlu vətəndaş", "İş əxlaqı sıfır" kimi şərhlər yazılıb.

Telegramda izləyin