Qadın keçmiş əri tərəfindən bıçaqlanaraq qətlə yetirildi

Bursanın Yıldırım rayonunda bir qadın keçmiş əri tərəfindən bıçaqlanaraq ağır yaralanıb.

Sonxeber.az türk mediasına istinadən xəbər verir ki, xəstəxanaya aparılan qadın həkimlərin bütün müdaxilələrinə baxmayaraq həyatını itirib. Qatil isə 2 saat keçmədən polis tərəfindən saxlanılıb.

Əldə olunan məlumata görə, Sevgi Yandık (27) ilə keçmiş əri Doğan Ş. (31) arasında mübahisə yaranıb. Qısa müddət sonra mübahisə davaya çevrilib və Doğan Ş. qadını bədənin müxtəlif nahiyələrindən bıçaqlayıb. Ağır yaralanan qadın təcili tibbi yardım vasitəsilə Yüksək İxtisas Təhsil və Tədqiqat Xəstəxanasına aparılıb.

Lakin Sevgi Yandık həkimlərin bütün səylərinə baxmayaraq həyatını xilas edə bilməyib. Gənc qadının yaxınları xəstəxana önündə özlərini itirib, həmin anlar isə kameralar tərəfindən anbaan qeydə alınıb.

Hadisənin şübhəlisi Doğan Ş. polis əməkdaşları tərəfindən saxlanılıb. Məlumata görə, Doğan Ş. daha əvvəl də keçmiş həyat yoldaşını bıçaqlayıb.

Telegramda izləyin