Ata və 11 yaşlı oğlunu silahlı hücumla qətlə yetirməkdə şübhəli bilinən şəxs saxlanılıb

Konyada sta və 11 yaşlı oğlunu silahlı hücumla qətlə yetirməkdə şübhəli bilinən şəxs saxlanılıb.

Sonxeber.az türk mediasına istinadən xəbər verir ki, hadisə Karatay rayonunun Karaaslan məhəlləsində baş verib. Belə ki, Mehmet Koçyiğit və onun 11 yaşlı oğlu Servet Koçyiğit binanın həyətində avtomobillərinə minmək istədikləri vaxt silahlı hücuma məruz qalıb. Açılan atəş nəticəsində Mehmet Koçyiğit bədəninin müxtəlif nahiyələrindən, Servet Koçyiğit isə baş və kürək nahiyəsindən yaralanıb.

Əraziyə çox sayda polis və təcili tibbi yardım briqadası cəlb olunub. Hadisə yerində aparılan yoxlamada Mehmet Koçyiğitin həyatını itirdiyi müəyyən edilib. Ağır yaralanan Servet Koçyiğit isə təcili yardımla Konya Şəhər Xəstəxanasına çatdırılsa da, həkimlərin səylərinə baxmayaraq həyatını xilas etmək mümkün olmayıb. Ata və oğulun meyiti otopsi üçün Məhkəmə-Tibbi Ekspertiza İdarəsinə göndərilib. Onlar bu gün doğma şəhərləri Niğdədə dəfn olunublar.

Silahlı hücumla bağlı istintaq aparan polis hadisədə adı hallanan Hıdır A.-nı Karatay rayonunun Çatalhöyük məhəlləsində gizləndiyi mısır tarlasında saxlayaraq həbs edib. Konya Nümunə Xəstəxanasında tibbi müayinədən keçirilən Hıdır A., jurnalistlərin "11 yaşlı uşağı niyə öldürdün?" sualına "Görmədim mən, görmədim" cavabını verib. Şübhəli ifadəsi alınmaq üçün Asayiş Şöbəsinə aparılıb.

Telegramda izləyin