Turistlərə qarşı nalayiq sözlər işlətdi, polis tərəfindən həbs edildi - VİDEO

Marmarisdə sahildə telefonla ətrafı çəkən bir kişi "can sıxıntımı turistlərlə atıram" başlığı altında yoldan keçən turistlərə kobud və nalayiq sözlər söyləyərək onları lağa qoyduğu anları sosial mediada paylaşıb.

Sonxeber.az türk mediasına istinadən xəbər verir ki, görüntülər qısa zamanda yayıldıqdan sonra Marmaris İlçe Polis İdarəsində əməliyyat başlanıb. Qısa müddət ərzində şəxsiyyət müəyyən edilən 23 yaşlı A.K.-nin Marmarisdə bir müəssisədə çalışdığı aşkar edilib.

Saxlanaraq polis idarəsinə gətirilən A.K.-nin ifadəsində, "Bunu əyləncə məqsədilə etdim, pis niyyətim yox idi, bu qədər yayılacağını bilmirdim" dediyi bildirilib.

Şəxs barəsində polis idarəsində zəruri tədbirlər görüləndən sonra onun Marmaris Məhkəməsinə göndəriləcəyi barədə məlumat verilib.

Telegramda izləyin