Bu 3 ifadəni işlətməyin - Uğurlarınız artacaq

Sözlər düşüncəmizi formalaşdırır. Onlar ya bizi məhdudlaşdıra, ya da yeni üfüqlər aça bilərlər. Söhbət yalnız başqaları ilə ünsiyyətdən getmir, insanın özü ilə apardığı daxili dialoq da az rol oynamır. İş prosesləri üzrə yazıçı və tədqiqatçı Daniel Pink vurğulayır: bəzən sadəcə bir ifadədəki sözü dəyişmək kifayətdir ki, vəziyyəti başqa rakursdan görəsən və əvvəllər mümkünsüz görünən həll yolunu tapasan.

Lent.az xarici mediaya istinala xəbər verir ki, bu fikri neyrobioloqlar da təsdiqləyirlər.

1. "Məcburam" əvəzinə — "Mümkün ola bilər"

"Mən nə etməliyəm?" ifadəsi bir əmr kimi səslənir. O, seçim imkanlarını daraldır və yalnız bir düzgün variantın mövcud olduğu hissini yaradır. Tamamilə başqa məna daşıyan sual isə — "Mən nə edə bilərdim?". Bu sözlər seçim üçün məkan açır, azadlıq hissi yaradır və yeni ideyalar, inkişaf yolları axtarmağa sövq edir.

2. "Mən etməliyəm" əvəzinə — "Mənim üçün imkan yaradılıb"

Neyrobioloq Coş Devis məsləhət görür ki, diqqəti məcburiyyətdən imtiyaza yönəldin. Özünüzə "mən sabah çıxış etməliyəm" deməkdənsə, "mənə sabah çıxış etmək imkanı verilib" deyin. Hətta gündəlik işlərə də fərqli yanaşmaq olar. Məsələn, müasir şəhərdə zibili atmaq yorucu öhdəlik deyil, əksinə, rahat infrastrukturun nəticəsidir. Yenidən formalaşdırılmış fikir təzyiqi minnətdarlıq hissinə çevirir.

3. "Bacar mıram" əvəzinə — "Hələ bacarmıram"

Cəmi bir kiçik söz bütün mənanı dəyişir. "Mən bunu bacarmıram" ifadəsi bir məğlubiyyət kimi səslənir. Amma "mən bunu hələ bacarmıram" sözləri artıq inkişaf siqnalıdır: siz öyrənirsiniz, sınayırsınız, həll yolu axtarırsınız. Bu kiçik əlavə zaman perspektivi yaradır və dayanmağa imkan vermir.

Nəticə: uğur çox vaxt xırda detallardan başlayır. Sözləri dəyişməklə reallığı qəbul etmə formamızı dəyişirik, bununla da davranışlarımızı. Cəmi bir gün ərzində bu üç sözdən şüurlu şəkildə qaçınmağa çalışın — və görəcəksiniz ki, irəliləmək nə qədər asan olur.

Telegramda izləyin