Avtomobildə huşsuz halda tapılan 2 nəfər xəstəxanada həyatını itirdi

Türkiyədə TEM avtomagistralının Ankara istiqamətində dünən axşam saatlarında yol qəzası ilə bağlı polisə məlumat daxil olub.

Sonxeber.az türk mediasına istinadən xəbər verir ki, hadisə yerinə göndərilən polis əməkdaşları yol kənarında baryerə sürtünərək dayanan və başqa hissəsində zədələnmə olmayan avtomobil aşkarlayıb.

Avtomobilin içərisində huşsuz vəziyyətdə olan iki nəfər tapılıb. Şəxsiyyətləri müəyyən edilən bu şəxslərdən sürücü A.A. (27) və yanındakı S.A. (26) xəstəxanaya çatdırılsalar da, həyatlarını xilas etmək mümkün olmayıb.

Polis əməkdaşları avtomobildə apardıqları yoxlama zamanı yaşıl reseptlə satıldığı müəyyən edilən bir qutu dərman da aşkarlayıb.

Qəza və ölüm səbəblərinin dəqiqləşdirilməsi üçün istintaq davam edir.

Telegramda izləyin