Kürəkən qayınatasına atəş açdı - VİDEO

Türkiyədə, Aksarayın Kurtuluş qəsəbəsində dünən gecə saat 23:30 radələrində dəhşətli hadisə baş verib.

Sonxeber.az türk mediasına istinadən xəbər verir ki, Hollandiya vətəndaşı Ahmet C. (29) Aksarayda olan həyat yoldaşı Elif C. (28) ilə naməlum səbəbdən mübahisə edib.

Mübahisədən sonra Elif C. atasını, 55 yaşlı İsmail B.-ni telefonla xəbərdar edib. İsmail B. qızının və kürəkənin yaşadığı evə gəlib və qapının zəngini çalıb. Qapını açan Ahmet C. tüfənglə qaynatası İsmail B.-yə atəş açıb. Ayağından yaralanan İsmail B. qan içində yerə yıxılıb.

Silah səslərini eşidən qonşular dərhal polis və təcili yardım çağırıb. Yaralı İsmail B. təcili yardım maşını ilə Aksaray Təhsil və Araşdırma Xəstəxanasına çatdırılıb.

Təcili yardım şöbəsinə gətirilən İsmail B. jurnalistlərə açıqlamasında bildirib: "Məni kürəkənim vurdu. Başqa heç nə baş verməyib. Nə olduğunu mən də anlamadım".

Kürəkən şühpəli qismində həbs edilib. Hadisə ilə bağlı araşdırmalar davam edir.

Telegramda izləyin