Restoranda telefon üstündə dava: 20 yaşlı gənc güllələndi

İzmirin Buca rayonunda restoranda baş verən mübahisə qanlı sonluqla nəticələnib.

Sonxeber.az türk mediasına istinadən xəbər verir ki, 20 yaşlı Emirhan Kaya, restoran sahibi Yılmaz E.-nin açdığı atəş nəticəsində ağır yaralanaraq xəstəxanada ölüb.

Məlumata görə, mübahisə restoranda bir müştəriyə məxsus telefonun itməsindən sonra başlayıb. Restoran sahibləri Kayadan şübhələndikləri üçün münaqişə daha da böyüyüb.

Hadisədən sonra restoran sahibi Yılmaz E. ilə birlikdə 3 nəfər saxlanılıb. Onlardan Yılmaz E., A.B. və O.B. həbs edilib, H.C. isə məhkəmənin qərarı ilə adli nəzarət şərtiylə azadlığa buraxılıb.

Hadisə ilə bağlı istintaq davam edir.

Telegramda izləyin