İki gün əvvəl Sabirabaddakı qəzada xəsarət alan beş yaşlı UŞAQ ÖLDÜ

Sabirabad rayon Güdəcühür kənd ərazisində baş verən yol-nəqliyyat hadisəsi zamanı xəsarət alan 5 yaşlı uşaq vəfat edib.

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

"Avqustun 28-i saat 13:00-da Sabirabad rayon Güdəcühür kənd ərazisində baş verən yol-nəqliyyat hadisəsi səbəbilə dörd nəfər (ikisi kişi, ikisi qadın cinsli) Şirvan Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.

Göstərilən bütün reanimasiya tədbirlərinə və həkimlərin çoxsaylı səylərinə baxmayaraq müalicəsi Reanimasiya şöbəsində davam etdirilən 2020-ci il təvəllüdlü azyaşlının (qadın cinsli) avqustun 29-u saat 20:20-da ölüm faktı qeydə alınıb.

Meyit təşrih olunması üçün Məhkəmə Tibbi Ekspertiza və Patoloji Anatomiya Birliyinin Şirvan rayon şöbəsinə təhvil verilib.

Vəziyyətləri orta ağır qiymətləndirilən 2000-ci il təvəllüdlü (kişi cinsli) şəxslərin müalicələri Cərrahiyyə şöbəsində davam etdirilir.

1962-ci il (kişi cinsli) və 1998-ci il təvəllüdlü (qadın cinsli) şəxslərin vəziyyətləri qənaətbəxş qiymətləndirildiyindən ambulator müalicə üçün evə buraxılıblar", - məlumatda qeyd olunub.

Telegramda izləyin