Ailədaxili mübahisə faciəyə çevrildi: oğul anasını və atasını xəstəxanalıq etdi

Hadisə ötən gecə Türkiyədə baş verib.

Sonxeber.az türk mediasına istinadən xəbər verir ki, Hatayda ötən gecə Antakya–Yayladağı avtomobil yolunda şəhər istiqamətində hərəkət edən A.G. ilə avtomobildə olan anası B.G. və atası H.G. arasında naməlum səbəbdən mübahisə düşüb.

Psixoloji problemləri olduğu iddia edilən A.G., valideynlərini döydükdən sonra avtomobildən düşürüb. Hadisə barədə məlumat alan polis və təcili yardım əməkdaşları dərhal əraziyə cəlb olunub. Yaralanan B.G. və H.G.-yə ilkin tibbi yardım göstərildikdən sonra onlar xəstəxanaya yerləşdirilib.

Şübhəlinin idarə etdiyi avtomobili izləyən polis əməkdaşları Defne rayonundakı yoxlama məntəqəsində ona "dayan" əmri verib. Lakin A.G. əmri qulaqardına vuraraq qaçıb və idarə etdiyi avtomobillə 5 nəqliyyat vasitəsinə çırpılaraq zərər yetirib. Bundan sonra avtomobili dayandıran A.G. maşından düşüb qaçmağa cəhd edib.

Qaçarkən yoldan keçən digər avtomobili saxlayan şübhəli sürücü S.G.-ni girov götürüb. Lakin bir müddət sonra onu mühasirəyə alan polis əməkdaşları tərəfindən saxlanılıb və istintaq aparılması üçün polis şöbəsinə aparılıb.

Hadisə zamanı S.G.-nin xəsarət almadığı, xəstəxanada müalicəsi davam edən B.G. və H.G.-nin vəziyyətlərinin yaxşı olduğu bildirilib.

Telegramda izləyin