İş adamı keçmiş ortağı tərəfindən 4 güllə ilə öldürüldü

Türkiyənin Tekirdağ şəhərinin Kapaklı qəsəbəsində iş adamı Mesut Uyumaz (48) keçmiş iş ortağı Orhan Aybaş (42) tərəfindən avtomobildə tapança ilə 4 güllə vurularaq qətlə yetirilib.

Sonxeber.az türk mediasına istinadən xəbər verir ki, cinayətdən sonra qaçan Aybaş polis tərəfindən saxlanaraq həbs edilib.

Məlmuata görə vətəndaşlar 59 AET 553 nömrəli avtomobili qapısı açıq vəziyyətdə görərək polisə xəbər veriblər. Hadisə yerinə gedən polis qrupları Uyumazın avtomobilin arxa oturacağında öldürülmüş vəziyyətdə olduğunu aşkar edib. Müayinə zamanı onun döş, boyun və çənə nahiyəsindən 4 güllə ilə vurulduğu müəyyən olunub.

Kapaklı İlçe Jandarma Komandanlığı tərəfindən aparılan araşdırmalar nəticəsində 24 təhlükəsizlik kamerasının görüntülərində şübhəlinin Orhan Aybaş olduğu müəyyən edilib. Aybaş avtomobil gözlədiyi zaman jandarma tərəfindən saxlanılıraq həbs edilib.

Aybaş ifadəsində bildirib ki, Uyumaz onu tapdığı bir ərazini birgə almaq təklifi ilə çağırıb və görüş zamanı onu tapança ilə hədələyib. Aybaş "Bir anlıq reflekslə silahı ələ keçirdim, o isə avtomobilinə qaçdı, mən də atəş açdım" deyə bildirib.

Telegramda izləyin