Sumqayıtda karton istehsalı müəssisəsində YANĞIN olub

Fövqəladə Hallar Nazirliyinin (FHN) "112" qaynar telefon xəttinə Sumqayıt şəhəri ərazisində yerləşən karton məmulatları istehsalı zavodunda yanğın baş verməsi barədə məlumat daxil olub.

Sonxeber.az xəbər verir ki, bu barədə FHN-in Mətbuat Xidməti məlumat yayıb.

Bildirilib ki, məlumat daxil olan kimi əraziyə FHN-in Dövlət Yanğından Mühafizə Xidmətinin Sumqayıt Şəhər Yanğından Mühafizə İdarəsinin qüvvələri cəlb edilib.

"Yanğınsöndürənlərin çevik müdaxiləsi nəticəsində zavodun həyətində baş verən yanğının genişlənməsinin və zavod binasına keçməsinin qarşısı alınıb. Hadisə qısa müddətdə söndürülüb.

Yanğın nəticəsində zavodun ərazisində 1800 kvadratmetr sahədə yığılmış karton tullantılarının 450 kvadratmetri yanıb.

Zavodun binası və ətraf ərazilər yanğından mühafizə olunub", - məlumatda bildirilib.

18:20

Sumqayıtda karton istehsalı müəssisəsində başlayan yanğın yayılmasına imkan verilmədən qısa müddətdə söndürülüb.

Sonxeber.az xəbər verir ki, bu barədə "Report" məlumat yayıb.

17:33

Sumqayıt şəhərində yanğın hadisəsi başlayıb.

Sonxeber.az "Report"a istinadla xəbər verir ki, Sumqayıtda karton istehsalı müəssisəsi yanır.

Əraziyə Fövqəladə Hallar Nazirliyi (FHN) Dövlət Yanğından Mühafizə Xidmətinin canlı qüvvəsi və xüsusi texnikası cəlb olunub.

Hazırda yanğının söndürülməsi istiqamətində tədbirlər görülür.

Hadisənin başvermə səbəbləri araşdırılır.

Telegramda izləyin