Dünyanın ən sağlam qidası seçildi: Şüyüd otu...

Mütəxəssislərin apardığı genişmiqyaslı araşdırmalar nəticəsində minlərlə qida arasında dünyanın ən sağlam qidası müəyyənləşdirilib.

Sonxeber.az türk mediasına istinadən xəbər verir ki, aparılan tədqiqatların nəticəsinə görə, zəngin vitamin və mineralları ilə seçilən şüyüd otu (fennel) siyahının ilk pilləsində yer alıb.

Həkimlərin sözlərinə görə, şüyüd otu xüsusilə immunitet sistemini gücləndirərək orqanizmi sərbəst radikalların zərərli təsirindən qoruyur. Bundan əlavə, şəkərli diabet riskini azaltmaqla yanaşı, xroniki xəstəliklərin qarşısının alınmasında da mühüm rol oynayır.

Şüyüd otunun yarpaqları, toxumları və kökü mətbəxdə geniş istifadə olunur. Şüyüd otu toxumları həzmi asanlaşdırır, qaz və mədə ağrılarını yüngülləşdirir. Bu bitkinin çayı isə sakitləşdirici təsiri ilə stressi azaldır, yuxu keyfiyyətini yaxşılaşdırır və sinir sistemini tarazlaşdırır.

Minerallarla da zəngin olan bu bitki – dəmir, kalsium, maqnezium və kalium ehtiva etməklə sümük sağlamlığını dəstəkləyir, əzələ funksiyalarının düzgün işləməsinə kömək edir. Eyni zamanda maddələr mübadiləsini tənzimləyərək ümumi sağlamlığa fayda göstərir.

Adətən çay şəklində istehlak edilən bu bitki həm də balıq və tərəvəz yeməklərinə verdiyi xüsusi dad və ətir ilə sevilir. Sağlam və dadlı olması ilə yanaşı, mətbəxlərdə getdikcə daha çox üstünlük verilən məhsula çevrilib.

Telegramda izləyin