Müdir ölən işçisini yolun kənarında atıb qaçdı

Denizlinin Kocabaş məhəlləsində yerləşən mərmər fabrikində çalışan Suriya vətəndaşı Yasin Bedevi Muaffiş elektrik cərəyanına düşərək həyatını itirib.

Sonxeber.az türk mediasına istinadən xəbər verir ki, hadisədən sonra fabrikanın sahibi Gökhan Fidan, işçini xəstəxanaya aparacağını deyərək avtomobilinə mindirib. Lakin o, Muaffişin cansız bədənini yol kənarında qoyub, daha sonra 112-yə zəng edərək "Ürəyi gedən biri var" şəklində məlumat verib. Hadisə yerinə gələn təcili tibbi yardım briqadası Muaffişin artıq dünyasını dəyişdiyini müəyyənləşdirib.

Jandarma tərəfindən saxlanılan Fidan ilkin ifadəsində belə deyib:

"Muaffişin elektrik cərəyanına düşdüyünü eşidib onu xəstəxanaya aparmaq üçün fabrikdən çıxdım. Daha sonra öldüyünü düşünüb fabrikanın yaxınlığında qoyub təcili yardıma xəbər verdim. Qorxduğum üçün belə etdim. Əgər öldüyünü dəqiq bilsəydim, fabrikdən heç ayrılmazdım."

Muaffişin meyiti otopsiya aparılması üçün Denizli Ədli Tibb Qurumunun morquna göndərilib.

Jandarmadakı ifadəsi tamamlanan Gökhan Fidan məhkəməyə çıxarılıb və barəsində həbs qərarı verilib.

Telegramda izləyin