Bakıda hündürmərtəbəli binada YANĞIN: 12 nəfər təxliyə edilib

Bakıda yaşayış binasında yanğın olub.

Fövqəladə Hallar Nazirliyinin Mətbuat xidmətindən Sonxeber.az-a verilən xəbərə görə, FHN-in "112" qaynar telefon xəttinə Bakı şəhərinin Nəsimi rayonunda çoxmərtəbəli yaşayış binasında yanğın baş verməsi barədə məlumat daxil olub.

Məlumatla əlaqədar dərhal əraziyə Nazirliyin Dövlət Yanğından Mühafizə Xidmətinin və Bakı Regional Mərkəzinin qüvvələri cəlb olunub.

Hadisə yerində əməliyyat şəraiti qiymətləndirilərkən yanğının onikimərtəbəli yaşayış binasının 11-ci mərtəbəsində yerləşən mənzildə baş verdiyi müəyyən edilib.

FHN qüvvələrinin operativ müdaxiləsi sayəsində yanğın genişlənməsinə imkan verilmədən qısa müddətdə söndürülüb.

Yanğın nəticəsində ümumi sahəsi 80 kv.m olan üçotaqlı mənzilin mətbəxinin və eyvanının yanar konstruksiyaları 18 kv.m sahədə yanıb.

Digər otaqlar və qonşu mənzillər yanğından mühafizə edilib.

FHN qüvvələri tərəfindən təhlükəsizlik tədbirləri çərçivəsində 3-ü azyaşlı olmaqla 12 nəfər təxliyə olunub.

***13:51

Bakının Nərimanov rayonunda yerləşən hündürmərtəbəli binalardan birində yanğın baş verib.

Bu barədə BAKU.WS-in "qaynar xətti"nə məlumat daxil olub.

Yanğın Azərbaycan Kooperasiya Universitetinin yaxınlığında yerləşən 12 mərətəbəli binanın 11-ci mərtəbəsində qeydə alınıb.

Əraziyə FHN-nin canlı qüvvəsi və texnikası cəlb olunub.

Telegramda izləyin