Qayınata gənc kürəkənini ov tüfəngi ilə öldürdü

Türkiyənin Adana vilayətinin Ceyhan rayonunda qayınata kürəkənini ov tüfəngi ilə vuraraq öldürüb.

Hadisə rayonun İstiqlal məhəlləsində yerləşən "Ceyhun Kent Evleri"ndə baş verib. Məlumata görə, 25 yaşlı Berk Alkan boşanma ərəfəsində olduğu həyat yoldaşı C.A.-nın və 3 yaşlı qızının yaşadığı mənzilə bacısı ilə birlikdə gedib.

Sonxeber.az türk mediasına istinadən xəbər verir ki, burada onunla qarşılaşan qayınatası, 57 yaşlı İ.A. hələlik səbəbi bəlli olmayan mübahisə zamanı kürəkəninə ard-arda tüfəngdən atəş açıb.

Atəş səsini eşidən qonşular hadisə barədə polisə məlumat veriblər. Əraziyə cəlb olunan təcili tibbi yardım briqadası Alkanın həyatını itirdiyini müəyyən edib.

Şübhəli qayınata polis tərəfindən saxlanılıb. Alkanın meyiti əvvəlcə Ceyhan Dövlət Xəstəxanasının morquna, daha sonra isə tibbi ekspertiza üçün Adana Ədli Tibb İnstitutuna göndərilib.

Faktla bağlı araşdırma aparılır.

Telegramda izləyin