Vətəndaşlara xarab ət satmaq üçün "xüsusi düzən" quran qəssab ifşa olundu

Gaziantepin Şahinbey rayonunda aparılan yoxlamalar zamanı şok fakt üzə çıxıb.

Sonxeber.az türk mediasına istinadən xəbər verir ki, Zabıta və Kənd Təsərrüfatı İdarəsi əməkdaşlarının 75-ci İl məhəlləsində keçirdiyi reyd çərçivəsində bir qəssab dükanına baxış keçirilib.

Araşdırma zamanı məlum olub ki, qəssab ətçəkən aparatın yerləşdiyi hissədə xüsusi düzən qurub. Bu üsulla təmiz ətləri gizli bölməyə ötürərək, xarab və çürümüş ətləri üyüdüb vətəndaşlara satdığı müəyyən edilib. Mədə bulandıran həmin görüntülər isə zabıta tərəfindən saniyə-saniyə qeydə alınıb.

Qaydalara zidd fəaliyyət göstərən və insanlara xarab ət yedirdiyi aşkarlanan dükan zabıta əməkdaşları tərəfindən dərhal möhürlənərək bağlanıb.

Şahinbey Bələdiyyə Başçısı Mehmet Tahmazoğlu sosial media hesabında məsələ ilə bağlı açıqlama verərək deyib:

"Xalqımızın sağlamlığına tələ quran qəssabı mühürlədik. Bu düzənək həmin dükanın içində qurulmuşdu. Təmiz əti gizli bölməyə göndərib, xarab və çirkli ətləri isə vətəndaşa təqdim edirdilər. Zabıta və Kənd Təsərrüfatı İdarəsi ilə birgə apardığımız yoxlamada bu vicdansızlığı ortaya çıxardıq. Bu yalnız bir dükanın bağlanması deyil, xalqımızın sağlamlığına sahib çıxmaq qətiyyətidir. Kim olursa olsun, bu vicdansızlığa göz yummayacağıq. Denetimlərimiz artaraq davam edəcək."

Telegramda izləyin