İş adamı Halit Yukayın cansız bədəni günlər sonra dənizdən çıxarıldı

Yalovadan 4 avqust saat 15:10-da "Graywolf" adlı yaxtası ilə Bozcaadaya getmək üçün dənizə açılan iş adamı Halit Yukaydan uzun müddət xəbər alınmayıb. Daha sonra onun yaxtası Balıkesirin Erdek ilçəsinin 7 mil açığında parçalanmış və yarı batmış vəziyyətdə tapılıb.

Sonxeber.az türk mediasına istinadən xəbər verir ki, axtarış-xilasetmə işləri nəticəsində Yukayın cansız bədəni 19 gün sonra, 68 metr dərinlikdə aşkar olunub.

TCG Alemdar gəmisindən idarə olunan əməliyyatda ROV cihazı ilə cəsədin təxminən 400 yard məsafəyə sürükləndiyi müəyyən edilib.

Saat 19:25 radələrində xüsusi dalğıcların iştirakı ilə satıhtan ikmallı dalış sistemi vasitəsilə Yukayın bədəni bütöv halda dənizdən çıxarılıb.

Onun nəşinin zəruri prosedurların tamamlanmasından sonra Bandırmaya aparılacağı bildirilib.

Telegramda izləyin