Cüdo Federasiyasında BİABIRÇILIQ: Gənc cüdoçunun 6 aylıq maaşını OĞURLADILAR

Azərbaycan Cüdo Federasiyası gənc cüdoçunun 6 aylıq maaşını mənimsəyib.

Bu barədə cüdoçu Musa Hüseynli Sonxeber.az -a müsahibəsində bildirib.

İdmançı bildirib ki, 2024-cü ilin noyabr ayından, 2025-ci ilin aprel ayına qədər olan maaşı kartına köçürülməyib:

"6 ay ərzində addıma yazılan maaşımı mənimsəyiblər. Aztəminatlı ailə olduğum üçün aprel ayında sosial yardım üçün müraciət etdim. Həmin vaxt bilmişəm ki, mənim 6 aylıq maaşım oğurlanıb. Mənim maaşının kəsilmə səbəbi kimi də Azərbaycan Kubokunda uduzmağımı göstərirlər. Lakin məndən başqa idmançılar da uduzsa da onların maaşı kəsilməyib. Əslində isə səbəb mənim Rəşad Rəsulovdan maaşımın artırılmasını istəməyim olub. Ailədə tək işləyən mənəm. 300 manat maaşla həm ailəmi dolandırmalı, həm də məşq etməli idim. Mən şikayət edəndən sonra mənə böhtan atdılar ki, guya mən radikal dini qruplaşmanın üzvüyəm. Sizin vasitənizlə müvafiq dövlət orqanlarından xahiş edirəm ki, mənə edilən haqsızlıqla bağlı araşdırma aparsınlar. 6 aylıq maaşımı mənimsəyənlər cəzalandırılsın".

Çiçək Sadatova

Telegramda izləyin