Qadın boşanma ərəfəsindəki həyat yoldaşı tərəfindən uşaqlarının gözü önündə qətlə yetirildi - VİDEO

Türkiyənin Ankara şəhərində dəhşətli ailə faciəsi baş verib.

Sonxeber.az türk mediasına istinadən xəbər verir ki, Keçiörən rayonunda 42 yaşlı Müəssər Ü., boşanma ərəfəsində olduğu həyat yoldaşı Hüseyn Ü. (53) tərəfindən uşaqlarının gözü önündə odlu silahla vurularaq öldürülüb.

Məlumata görə, bir müddətdir həyat yoldaşından ayrı yaşayan Hüseyn Ü. mübahisə etmək üçün onun evinə gedib. Aralarında yaranan gərginlik zamanı o, üzərində gətirdiyi silahla Müəssər Ü.-yə atəş açıb.

Daha sonra Hüseyn Ü. özü 112-yə məlumat verib. Əraziyə gələn polis şübhəlini saxlayıb. Sağlıq işçilərinin yoxlaması nəticəsində isə qadının həyatını itirdiyi müəyyən olunub.

Hadisə ilə bağlı istintaq davam etdirilir.

Telegramda izləyin