Gənc qız nişanından iki gün sonra dünyasını dəyişdi

Bolu şəhərində 30 yaşlı DJ Elif Özcan, nişan mərasimindən cəmi iki gün sonra keçirdiyi ürək tutmasından vəfat edib.

Sonxeber.az türk mediasına istinadən xəbər verir ki, gənc qadının gözlənilməz ölümü ailəsini və yaxınlarını dərin yasa boğub.

Məlumata görə, Boluda yaşayan Elif Özcan ötən şənbə günü keçirilən mərasimdə sevdikləri ilə xoşbəxt gününü paylaşaraq nişanlanıb. Lakin iki gün sonra qəfil halı pisləşən gənc qadının ürək tutması keçirdiyi müəyyən olunub. Həkimlərin bütün müdaxilələrinə baxmayaraq, onun həyatını xilas etmək mümkün olmayıb.

Elif Özcanın cənazəsi sentyabrın 9-da Çaydurt Alıçören kəndində günorta namazından sonra dəfn ediləcək.

Telegramda izləyin