Liseyli oğlan atasını öldürdüb, anasını yaraladıqdan sonra intihara cəhd etdi

İzmirin Menemen rayonunda ailə içi mübahisə zamanı 16 yaşlı lisey tələbəsi atasını bıçaqlayaraq öldürüb, anasını isə yaralayıb və daha sonra intihar cəhd edib.

Sonxeber.az türk mediasına istinadən xəbər verir ki, məlumata görə, hadisə Uğur Mumcu məhəlləsi, 1343-cü küçədə yerləşən mənzildə baş verib. 16 yaşlı H.U.B. ilə valideynləri Barış B. və N.B. arasında başlayan mübahisə böyüyərək faciə ilə nəticələnib. H.U.B. valideynlərinə bıçaqla zərbələr endirdikdən sonra otağa girib özünü kilidləyərək intihar etməyə çalışıb.

Hadisəni görən qonşuların xəbər verməsi ilə hadisə yerinə təcili yardım, polis və xilasetmə briqadaları göndərilib. Qruplar evdən çıxarılan valideynləri yaralı vəziyyətdə aşkar edib. Daha sonra balkon qapısını sındıraraq otağa daxil olan qruplar H.U.B.-ni yaralı vəziyyətdə tapıb. Yaralılar Menemen Dövlət Xəstəxanasına çatdırılıb.

Atası Barış B. bütün müdaxilələrə baxmayaraq xilas edilə bilməyib. Oğlan isə ilkin müdaxilədən sonra Çiğli Təhsil və Araşdırma Xəstəxanasına göndərilib və vəziyyətinin kritik olduğu bildirilib.

Yüngül yaralanan ana N.B. ifadəsində, mübahisədən sonra oğlunun onlara bıçaqla hücum etdiyini və intihar hədəsi verdiyini bildirib. Hadisə ilə bağlı araşdırma davam edir.

Telegramda izləyin