Keçmiş sevgilisini öldürüb intihar etdi

İzmirin Urla rayonunun Yeni Məhəllə, Dere küçəsində yerləşən əyləncə məkanında dünən axşam qan donduran hadisə baş verib.

Sonxeber.az türk mediasına istinadən xəbər verir ki, R.G. (34) ilə keçmiş sevgilisi Selin Angun (33) arasında hələ ki, səbəbi bilinməyən mübahisə düşüb.

Dava zamanı R.G. üzərindəki tapança ilə Selin Anguna atəş açıb. Güllələr həm Anguna, həm də həmin məkanda olan Ü.A. (23) və D.T.-yə (27) dəyib. Yaralılar təcili yardımla Urla Dövlət Xəstəxanasına çatdırılıb. Həkimlərin müdaxiləsinə baxmayaraq Selin Angun həyatını itirib. Digər yaralıların müalicəsinin davam etdiyi bildirilib.

Hadisədən sonra qaçan R.G.-nin tutulması üçün polis əməliyyata başlayıb. Lakin bir qədər sonra Urladakı evlərdən birində silah səsi eşidilib. Hadisə yerinə gələn polis R.G.-nin cansız bədəni ilə qarşılaşıb. Onun tapança ilə intihar etdiyi ehtimal edilir.

Faktla bağlı istintaq başladılıb.

Telegramda izləyin