Yanlış qan verilən xəstə dünyasını dəyişdi

Aksaray Təhsil və Araşdırma Xəstəxanasında əməliyyat olunan 75 yaşlı xəstənin 8 sentyabr, bazar ertəsi günü "yanlış qan verildiyi üçün" həyatını itirdiyi iddia edilir.

Sonxeber.az türk mediasına istinadən xəbər verir ki, 7 uşağın anası Ayşə Soylunun oğlu Ahmət İlmekli bildirib ki, anası həmin gün ayaq əməliyyatına götürülüb. Əməliyyat zamanı səhv qan verildiyi məlumatı onlara əməliyyatdan sonra gec saatlarda çatdırılıb. İlmekli deyib:
"Anamın ona yanlış qan verildiyi söyləndi. Baş həkim, digər həkimlər və prokurorla görüşdük. Cinayət işi açacağıq, tibbi ekspertiza keçirildi və Ankaraya göndərildi. Tibbi ekspertiza rəyi gəldikdən sonra baxacağıq, ədalətə inanırıq".

Məsələ ilə bağlı açıqlama verən Aksaray Səhiyyə Müdiri Dr. Abdullah Güleç hadisənin trajik və üzücü olduğunu bildirib. O, həm məhkəmə, həm də inzibati araşdırmanın başladığını qeyd edib. Dr. Güleç əlavə edib ki, məsuliyyəti olduğu iddia edilən anesteziya texnikinin vəzifəsindən azad edilib, digər məsul işçilər də müvafiq olaraq vəzifədən kənarlaşdırılıb.

Telegramda izləyin