Gənc oğlan qız davası üstündə qətlə yetirildi: 2 nəfər həbs olundu

Kocaelidə "qız üstündə" yaranan mübahisə qanla nəticələnib.

Sonxeber.az türk mediasına istinadən xəbər verir ki, hadisə nəticəsində 19 yaşlı Topraq Yiğitdoğan odlu silahla vurularaq həyatını itirib.

Məlumata görə, hadisə Kocaelinin Gebzə rayonunun Köşklü Çeşmə məhəlləsində yerləşən yanacaqdoldurma məntəqəsində baş verib. Həmin məntəqənin marketində işləyən Topraq Yiğitdoğan ilə aralarında əvvəlcədən ədavət olan 18 yaşlı Yiğit Topal arasında mübahisə düşüb. Mübahisə davaya çevriləndə Topal odlu silahla atəş açaraq Yiğitdoğanı ağır yaralayıb. Xəstəxanaya çatdırılan gəncin həyatını xilas etmək mümkün olmayıb.

Polis hadisə ilə bağlı dərhal əməliyyat keçirərək Yiğit Topal, həmçinin davada iştirak etdiyi müəyyən edilən A.M. və Ş.S.-ni saxlayıb. Onlar ifadə verdikdən sonra məhkəməyə çıxarılıb.

Məhkəmənin qərarına əsasən, Ş.S. barəsində ölkədən çıxış qadağası və məhkəmə nəzarəti tədbiri seçilərək azadlığa buraxılıb. Yiğit Topal və A.M. isə həbs edilərək həbsxanaya göndərilib.

Telegramda izləyin