Qadın dini nikahda olduğu kişinin avtomobilini yandırdı

Çorumun Gülabibey məhəlləsində dini nikahla birlikdə yaşadığı şəxslə mübahisə edən qadın avtomobili yandıraraq hadisə yerindən qaçıb.

Sonxeber.az türk mediasına istinadən xəbər verir ki, M.A. ilə dini nikahla birlikdə yaşayan N.A. adlı qadın arasında hələ ki, məlum olmayan səbəbdən mübahisə yaranıb.

Mübahisədən sonra N.A, M.A.-ya məxsus 34 DTD 379 dövlət nömrə nişanlı, küçədə park halında olan avtomobili od vuraraq yandırıb.

Hadisə yerinə polis və yanğınsöndürənlər cəlb olunub. Bu vaxt ərazidə olan bir gənc, avtomobilin yanında park edilmiş traktoru işlədərək alovdan uzaqlaşdırıb.

Çorum Bələdiyyəsinin yanğınsöndürmə briqadası tərəfindən söndürülən yanğından sonra avtomobil yararsız hala düşüb.

Polis qaçan qadının tutulması üçün əməliyyata başlayıb.

Telegramda izləyin