Avtobus sürücüsü sərnişinlərdən küsüb, siqaret çəkməyə düşdü - VİDEO

Bursada avtobus sürücüsünün sərnişinlərlə yaşadığı gərgin anlar gündəm olub.

Sonxeber.az türk mediasına istinadən xəbər verir ki, hadisə Nilüfər rayonunda qeydə alınıb. Avtobus hərəkətdə olarkən bir neçə qadın sərnişin dayanacaqdan kənarda düşmək istədiklərini bildirib. Lakin sürücü yalnız rəsmi dayanacaqlarda saxlayacağını deyib. Bundan sonra sərnişinlər avtobusun şüşələrinə vuraraq etiraz edib, hətta sürücünü polisə şikayət etməklə hədələyiblər.

Sürücü isə polis gələnədək qapıları açmayacağını bildirib. Daha sonra sərnişinlərin təzyiqi ilə avtobusun qapılarını açaraq "Buyur düşün!" deyə sərt reaksiya göstərib. Ancaq sərnişinlər avtobusu tərk etməyiblər və sürücü özü düşməyə qərar verib.

Avtobusu İzmir yolu üzərində yerləşən bir AVM-nin qarşısındakı dayanacağa park edən sürücü maşından çıxaraq siqaret çəkməyə başlayıb.

Hadisə digər sərnişinlərin mobil telefonu ilə anbaan qeydə alınıb. Gecikdiklərini deyən qadın sərnişinlər isə sürücünü yenidən avtobusa qayıtması üçün uzun müddət razı salmağa çalışıblar.

Telegramda izləyin