19 yaşlı gənc mübahisə zəminində 51 yaşlı kişini qətlə yetirdi

İstanbulun Gaziosmanpaşa rayonunda 19 yaşlı Yunus Emre S., küçədə mübahisə etdiyi Celil Arslanı (51) bıçaqlayaraq öldürüb. Şübhəli polis tərəfindən saxlanılıb.

Sonxeber.az türk mediasına istinadən xəbər verir ki, hadisə 30 sentyabr saat 02:50 radələrində Karadeniz məhəlləsində baş verib. Dostu ilə birlikdə yolda gedən Celil Arslan qarşılaşdığı şəxs ilə mübahisəyə başlayıb. Hadisə şahidlərinin sözlərinə görə, həmin şəxs qəfil əlindəki bıçaqla Arslana zərbə endirib. Yaralı qan içində yerə yıxılıb və hadisə yerində həyatını itirib. Hücum edən şəxs isə qaçaraq izini itirib.

Cinayət Büro əməkdaşlarının araşdırmaları nəticəsində məlum olub ki, şübhəli hadisədən əvvəl Arslanı bir müddət izləyib. Təhlükəsizlik kameralarının görüntülərindən onun kimliyi müəyyən edilib. Daha sonra Yunus Emre S. polis tərəfindən gizləndiyi evdə saxlanılıb.

Şübhəli ifadəsində cinayəti etiraf edib və Arslanın anasına mesaj yazdığını iddia edərək mübahisənin bu səbəbdən baş verdiyini söyləyib. O, hadisə anında özünü itirdiyini və nə etdiyini xatırlamadığını bildirib. Evdə aparılan axtarış zamanı cinayətdə istifadə olunan bıçaq da tapılıb.

Polis bölməsindəki ifadəsinin ardından məhkəməyə çıxarılan Yunus Emre S. barəsində həbs qətimkan tədbiri seçilərək cəzaçəkmə müəssisəsinə göndərilib.

Telegramda izləyin