Toyda çiçək tutma yarışı dava ilə nəticələndi

Sosial mediada sürətlə yayılan bir toy görüntüsü izləyənləri həm təəccübləndirdi, həm də güldürdü.

Sonxeber.az türk mediasına istinadən xəbər verir ki, videoda gəlinin adət üzrə buketini arxaya atmasından sonra gözlənilməz dava baş verib.

Normalda əyləncəli bir an olması gözlənilən çiçək atma mərasimi iki qadın qonaq arasında gərginliyə səbəb olub. Bir qadın buketi tutan digərinin əlindən çiçəyi zorla almağa çalışıb. Öz növbəsinin gəlməsini arzulayan qadının israrı qısa müddətdə mübahisəni böyüdüb.

Dəvətlilər hadisəni təəccüblə izləyərkən baş verənlər kameraya düşüb. Videoda qadının buketi almaq üçün böyük səy göstərdiyi, digər qadının isə çiçəyi buraxmamaq üçün müqavimət göstərdiyi aydın görünür.

Bu maraqlı anlar sosial mediada minlərlə dəfə izlənilib və çoxsaylı şərhlər alıb. Hadisənin harada baş verdiyi hələlik məlum olmasa da, video qısa müddətdə həm əyləncəli, həm də tənqidi rəylərlə gündəmə gəlib.

Telegramda izləyin