Kafedə aşkarlanan milçək ölülərinə obyekt sahibi çörəkotu dedi - VİDOE

Gaziantepin Şahinbey rayonunda aparılan yoxlama zamanı bir kafedə insan sağlamlığını təhdid edən ciddi hallar aşkar edilib.

Sonxeber.az türk mediasına istinadən xəbər verir ki, Şahinbey Bələdiyyəsinin əməkdaşları ilə birlikdə obyektə baxış keçirən Bələdiyyə sədri Mehmet Tahmazoğlu, kiflənmiş qidalar, siçan izləri, böcək qalıqları və son istifadə müddəti bitmiş məhsulların istifadəsini müəyyən edib.

Yoxlama zamanı diqqətçəkən dialoqlar da yaşanıb. Kiflənmiş tomat pastası barədə sualı cavablandıran obyekt sahibi, "İstifadə etmirik" deyib. Lakin Tahmazoğlu sərt reaksiya verərək:
"İstifadə etmirsinizsə, niyə buradadır?" – sözləri ilə narazılığını bildirib.

Digər tərəfdən, masada görünən milçək ölüləri barədə obyekt sahibinin "Onlar çörəkotudur" deməsi isə həm komandanı, həm də bələdiyyə sədrini qəzəbləndirib.

İşlədiyi məhsulları müdafiə edən sahibkarın, "Özüm yemədiyim məhsulu heç kimə yedirtmirəm" sözlərinə qarşı Tahmazoğlu yenə sərt mövqe ortaya qoyaraq:
"İstifadə etmirsinizsə, burada nə işi var?" – deyə cavab verib.

Aparılan yoxlamaların nəticəsində pastanenin fəaliyyətinə son qoyulub. Qapıya isə belə elan vurulub:

"Son istifadə müddəti keçmiş məhsulların istehsalda istifadə edilməsi və gigiyena qaydalarına əməl olunmaması səbəbilə obyekt 15 gün müddətinə bağlanmışdır."

Telegramda izləyin