İntihara cəhd edən 34 yaşlı kişini görün necə razı saldılar - VİDEO

Aksarayda başına silah dayayaraq intihar etmək istəyən şəxs, polis və jandarmanın 7 saatlıq fikrindən daşındırma cəhdlərinə baxmayaraq razı olmayıb.

Sonxeber.az türk mediasına istinadən xəbər verir ki, hadisə şəhərin Gücünkaya kəndi, Mamasın su anbarı yaxınlığındakı boş ərazidə baş verib. Məlumata görə, qardaşı ilə problemlər yaşayan 34 yaşlı L.G. depressiyaya düşərək əlindəki tapança ilə avtomobilinə minib baraj ərazisinə gedib. O, dostlarını zənglə xəbərdar edərək intihar edəcəyini deyib. Dostlarının məlumat verməsi ilə 112 Təcili Yardım Mərkəzi və polis qüvvələri hərəkətə keçib.

Polisin nömrə tanıma sistemi vasitəsilə axtarış aparıb və avtomobil baraj ərazisində aşkarlanıb. Lakin L.G. silahı başına dayayaraq kimsəni yaxın buraxmayıb. Polis əməkdaşlarının saatlarla apardığı fikrindən daşındırma cəhdləri nəticə verməyib.

Daha sonra əraziyə çağırılan dostlarından biri, L.G.-nin bir anlıq diqqətsizliyindən istifadə edərək avtomobilin azacıq açıq qalmış şüşəsinə barmaqlarını salıb və şüşəni qıraraq silahı əlindən alıb. Hadisə yerində olan polis əməkdaşlarının dəstəyi ilə L.G. zərərsizləşdirilib.

Şüşəni qırarkən əllərindən xəsarət alan şəxsə tibbi yardım göstərilib. Daha sonra L.G. jandarma maşını ilə bölməyə aparılıb. Hadisə ilə bağlı araşdırma başladılıb.

Telegramda izləyin