Parkda uyğunsuz hərəkət edən gənclərə xəbərdarlıq etdi, döyülərək həyatını itirdi

Türkiyənin Qaziantep şəhərində 60 yaşlı Ahmet Kayıkçı parkda "uyğunsuz hərəkətlər etdiyini" düşündüyü bir gənci xəbərdar etdiyinə görə döyülərək həyatını itirib.

Sonxeber.az türk mediasına istinadən xəbər verir ki, hadisə bir neçə gün əvvəl axşam saatlarında şəhərin Güneykent məhəlləsində baş verib. Məlumata görə, parkda gəzintidə olan Ahmet Kayıkçı, orada olan M.C.A. və onun sevgilisi E.Ö.-nün davranışlarını tənqid edərək onları xəbərdar edib. Bu xəbərdarlıqdan sonra tərəflər arasında mübahisə yaranıb.

Mübahisə zamanı M.C.A. əlindəki motosiklet dəbilqəsi ilə Kayıkçıya dəfələrlə zərbə endirib. Hadisəni görənlər dərhal polis və təcili tibbi yardım əməkdaşlarına məlumat veriblər. Yaralı Kayıkçı təcili tibbi yardım maşını ilə xəstəxanaya aparılıb və reanimasiya şöbəsində müalicə altına alınıb. Lakin həkimlərin səylərinə baxmayaraq, o, gecə saatlarında dünyasını dəyişib.

Hadisədən sonra Qaziantep Polis İdarəsinin Cinayət Axtarış Şöbəsi əməkdaşları ərazidə apardıqları əməliyyat tədbirləri və təhlükəsizlik kamerası görüntülərinin araşdırılması nəticəsində M.C.A. və E.Ö.-nü saxlayıblar. Hazırda şübhəlilərin polis idarəsində istintaqı davam edir.

Telegramda izləyin