Lökbatandakı 4 saylı Doğum Evi ilə bağlı ciddi narazılıq – "Baş həkim xəstəxananı şəxsi mülk kimi idarə edir" - ŞİKAYƏT

Bakının Lökbatan qəsəbəsində yerləşən 4 saylı Doğum Evi ilə bağlı saytımıza şikayət daxil olub.

Sonxeber.az -a şikayətini bildirən qadın iddia edir ki, müəssisə sanki dövlət xəstəxanası deyil, baş həkim Kəmalə Heydərova tərəfindən şəxsi mülk kimi idarə olunur.

Şikayətçi qadının sözlərinə görə, həmin doğum evində keysəriyyə əməliyyatı keçirib və bu məqsədlə 650 manat ödəniş edib. Lakin əməliyyatdan sonra gördükləri onu dərin təəssüf və narazılıq içində qoyub:

"Əməliyyatdan sonra reanimasiyada 6 saat qaldım. Orada baş həkimin xəstəsi də var idi. Ona telefon verilib yaxınları ilə danışmağa icazə verilirdi, biz isə sanki insan deyildik, tam kənarda saxlandıq"

Şikayətçi iddia edir ki, xəstəxananın ikinci mərtəbəsində baş həkimin pasiyentləri üçün xüsusi şərait yaradılıb – otaqlarda televizor, soyuducu, şəxsi ayaqyolu və digər rahatlıqlar var. Onların yaxınlarına istənilən ərzaq və əşyaları gətirmək azadlığı tanınsa da, digər xəstələr üçün ciddi məhdudiyyətlər tətbiq olunur:

"Bizim isə, sadə xəstələrin, bir tikə çörək belə içəri keçirməyə icazəmiz yoxdur. Hər şey ayrı-seçkilik üzərində qurulub"

Telegramda izləyin