Kafeyə əl bombası atıb qaçan şübhəli saxlanıldı

Türkiyənin Adana şəhərinin Seyhan rayonunda yerləşən bir kafeyə içəridə müştərilərin olduğu vaxt əl bombası atılıb.

Sonxeber.az türk mediasına istinadən xəbər verir ki, hadisə Yeşilyurt məhəlləsindəki Mavi Bulvar üzərində yerləşən pastanədə baş verib. Şahidlərin sözlərinə görə, bir nəfər içəridə insanların olduğu anda kafeyə əl bombası ataraq qaçmağa cəhd edib.

Kafe sahibinin dərhal polisə məlumat verməsi nəticəsində əraziyə hüquq-mühafizə orqanları cəlb olunub. Təsvirinə əsasən axtarışa başlanılan şübhəli qısa müddət sonra polis tərəfindən saxlanılıb. Onun kimliyi açıqlanmayıb.

Ərazi təhlükəsizlik məqsədilə bir istiqamətli nəqliyyata bağlanıb. Bomba Zərərsizləşdirmə və Ekspertiza Şöbəsinin əməkdaşları əl bombasını hadisə yerindən təhlükəsiz şəkildə götürərək kriminal ekspertizaya göndəriblər.

Araşdırmaların tamamlanmasından sonra yol yenidən nəqliyyatın hərəkətinə açılıb. Polis hadisə ilə bağlı istintaqı davam etdirir.

Telegramda izləyin