Kişi arvadını küçədə güllələyərək öldürdü

Türkiyədə, Altınova rayonunda səhər saatlarında 39 yaşlı Belgin A. ilə əri Özgür A. arasında hələ müəyyən edilməyən səbəbdən mübahisə yaranıb. Mübahisə qısa müddətdə böyüyərək faciə ilə nəticələnib.

Sonxeber.az türk mediasına istinadən xəbər verir ki, hadisə şahidi M.S. bildirib ki, Özgür A. əvvəlcə arvadını sinəsindən vurub. Qadın qaçmağa çalışarkən isə kişi ona başından atəş açıb.

Hadisə yerinə çox sayda polis və təcili tibbi yardım briqadası cəlb edilib. Səhiyyə əməkdaşlarının yoxlaması zamanı Belgin A.-nın həyatını itirdiyi təsdiqlənib.

Cinayəti törədən Özgür A. hadisə yerindən qaçıb. Polis tərəfindən onun tutulması üçün genişmiqyaslı əməliyyat başlayıb.

Telegramda izləyin