İki yük avtomobili toqquşdu: 1 nəfər öldü, 2 nəfər yaralandı

Adananın Seyhan rayonunda iki yük avtomobilinin toqquşması nəticəsində 1 nəfər həyatını itirib, 2 nəfər yaralanıb.

Sonxeber.az türk mediasına istinadən xəbər verir ki, qəza Mıdık məhəlləsində baş verib. M.S.D. (33) idarəsində olan yüngül yük avtomobili ilə M.A. (33) tərəfindən idarə edilən digər nəqliyyat vasitəsi toqquşub. Zərbənin təsiri ilə sürücülər və avtomobildə olan Ramazan Alkan (30) ilə H.A. (19) nəqliyyat vasitəsində sıxışıb qalıb.

Hadisə yerinə polis, təcili yardım və xilasetmə qrupları cəlb edilib. Xilasetmə işləri nəticəsində avtomobildən çıxarılan Ramazan Alkan bütün tibbi müdaxilələrə baxmayaraq həyatını itirib. Onun meyiti Adana Məhkəmə-Tibbi Ekspertiza İnstitutuna aparılıb. Yaralılar M.A. və H.A. xəstəxanaya yerləşdirilib.

Qəzadan xəsarət almadan xilas olan M.S.D.-nin ifadəsi alınmaq üçün polis şöbəsinə aparıldığı bildirilib.

Telegramda izləyin