Məzarlıqdan tapılan cadular görənləri heyrətə gətirdi

Diyarbəkirdə qəbir daşı ustası kimi çalışan Barış Karabulut, illərdir işlədiyi qəbiristanlıqda tez-tez cadu ilə bağlı əşyalarla qarşılaşdığını bildirib.

Bu barədə Sonxeber.az türk mediasına istinadən xəbər verir.

Onun sözlərinə görə, qəbir yerlərində kağızlara çəkilmiş qadın fiqurları, qaşıqlar, quzu başları və qutulara yerləşdirilmiş müxtəlif əşyalar aşkarlanıb.

Karabulut bu tapıntıların "böyük ehtimalla cadu məqsədilə" qəbiristanlığa qoyulduğunu deyib. O, rast gəldiyi belə əşyaları zərərsizləşdirmək üçün sındırıb yandırdığını bildirib:

"İllərdir qəbir daşları düzəldirəm, amma bəzən elə şeylərlə rastlaşıram ki, adamın tükləri biz-biz olur. Kağızlara qadın şəkilləri çəkilib, üzərinə yazılar yazılıb, yanında qaşıq və ya heyvan başı qoyulub. Bunlar açıq-aşkar cadu əlamətləridir."

Karabulut həmçinin vətəndaşları da diqqətli olmağa çağırıb:

"Qəbiristanlığa gələnlər belə əşyalar görsələr, əllə toxunmasınlar. Bu cür işlər çox təhlükəlidir."

Telegramda izləyin